صبا قمر نے کچھ ماہ قبل بظخ کے ہمراہ فوٹو شوٹ کی تصویر سوشل میڈیا پر شیئر کی تھی۔ فوٹو: فائل

 کراچی: معروف کامیڈین، گلوکار  اور ولاگر علی گل پیر نے صبا قمر کی بطخ کے ساتھ فوٹو شوٹ پر منفرد پوز کے ساتھ رد عمل ظاہر کیا ہے۔

صبا قمر کا اداکاری میں کوئی ثانی نہیں لیکن وہ اس کے ساتھ ہی ماڈلنگ میں بھی اپنا ایک خاص مقام رکھتی ہیں۔ اُن کا فوٹو شوٹ منفرد انداز کی وجہ سے اکثر خبروں کی زینت بنا رہتا ہے۔ کیوں کہ صبا قمر کا فوٹو شوٹ یا تو کسی جانور کے ساتھ ہوتا ہے یا پتوں کے ساتھ ۔

صبا قمر نے کچھ عرصہ قبل سوشل میڈیا پر ایک تصویر پوسٹ کی تھی جس میں وہ بطخ کے ہمراہ نظر آرہی ہیں۔ تصویر کے ساتھ انہوں نے برطانوی فیشن ڈیئزائنر الیگزینڈر مک کوئین کا قول بھی لکھا کہ ’’میں سمجھتا ہوں کہ ہر شے میں حسن ہے۔ جسے عام لوگ بدصورت تصور کرتے ہیں میں عموماً اس میں خوبصورتی دیکھتا ہوں۔

صبا قمر کی تصویر پر معروف کامیڈین علی گل پیر نے منفرد انداز میں رد عمل دیتے ہوئے اپنی ایک تصویر شیئر کی جس میں وہ صبا قمر کی طرح بیٹھے ہیں تاہم اس تصویر میں بطخ کے بجائے مرغہ کھڑا نظر آرہا ہے۔

علی گل پیر نے اپنے جاری کردہ تصویر پر یہ بھی لکھا کہ جب شہر کی بطخ گاؤں کے مرغے سے ملتی ہے۔

LEAVE A REPLY

Please enter your comment!
Please enter your name here