حكام مسئلے كو سنجیدگی سے حل كریں اور کم عمر لڑکوں سے ڈرائیونگ کرانے والوں كیخلاف كارروائی کریں، شہریوں کا مطالبہ ۔ فوٹو : فائل

کوئٹہ: کوئٹہ میں كم عمر ڈرائیورز شہریوں كے لئے سیكیورٹی رسک بن گئے ہیں اور آئے روز جان لیوا حادثات رونما ہوتے رہتے ہیں۔

ایکسپریس نیوز کے مطابق شہریوں كا كہنا ہے كہ شہر كے بیشتر علاقوں سیٹلائٹ ٹاؤن، سریاب، نواں كلی، خروٹ آباد، پشتون آباد اور مركزی سڑكوں پر آئے روز حادثات میں لوگ زخمی ہوچكے ہیں اور كئی بچے اپنی جانوں سے ہاتھ دھو بیٹھے ہیں، ان زیادہ تر حادثات كی ذمہ داری ان لوگوں  پرعائد ہوتی ہے جو كم عمر لڑکوں كو ٹریكٹر ٹرالی اور واٹر ٹینكرز چلانے كی اجازت دیتے ہیں۔

شہریوں نے مطالبہ كیا ہے کہ ٹریفک حكام اس مسئلے كو سنجیدگی سے حل كریں اور کم عمر لڑکوں سے ڈرائیونگ کرانے والوں كے خلاف كارروائی كركے شہریوں  كو خطرناک حادثات سے بچائیں۔

LEAVE A REPLY

Please enter your comment!
Please enter your name here